بقولك ايه … تعرف ايه عن كروت الشاشة نيفيديا؟ nVidia
اكيد متعرفش اللي انا اعرفه ع شان كده تعالى ندردش شوية في حبة معلومات لازم تعرفها
قبل اي كلام مش موضوعنا نتكلم عن نيفيديا ومين هي بين الشركات ولا تاريخ الشركة لان ده
موضوع يطول شرحه ولازم له مقال لوحده
لاكن موضوعنا النهاردة ان اغلب الناس متعرفش غير موديل واحد من كروت الشاشة نيفيديا
وهوه طبعا البرنس جي فورس ( Geforce ).
لا لا لا في اشد منه بكتير طيب الموديلات دي فين ؟ وليه مش معروفه زي البرنس ده؟
طيب في البداية كده انا كلامي كله هيبقى سطحي من غير اي تعقيدات، يعني كلمتين ورد غطاهم
زي ما بيقولوا
نيفيديا يا سيدي الفاضل عندها ثلاث موديلات!
عندهم البرنس جي فورس ( Geforce ) ودا اللي اغلبنا نعرفه مش بقولك برنس!
اداء رائع بالنسبه للسعر ودا للمستخدم العادي والجيمر كمان لانه مصمم مخصوص للمهام دي.
ال ( Workstation ) سواء في الاجهزه العادية ال ( PC ) او المحمولة زي الجهاز ال Dell ده
ملحوظه اسعار الكروت دي غالي جدا، يعني محدش بيشتريه الا اللي عايز اداء خرافي للبرامج اللي بيشتغل عليها. يعني بلاش ذكاء زياده وتقولي طيب انا اشتريه والعب عليه جيميز لانه مش مصمم لكده وهتدفع فلوس كتير والنتيجة هتزعلك.
بيدعم تقنيه عند نيفيديا اسمها كودا اكسيليريشن( Cuda Acceleration ) والتقنية دي بتستخدم
كل امكانيات كارت الشاشة بدل المعالج الرئيسي يعني تقريبا بتضاعف عمل المعالج الرئيسي
الكروت دي موجودة في مراكز الابحاث ومعالجة البيانات بكميات كبيرة. اغلب الكروت دي ملهاش
منافذ توصيل وعدد قليل منها فيها منفذ دي في اي ( DVI ) بس كده.
كلمتين ابرك من عشرة
استخدامك عادي مع الجيميز يبقى اكيد اختيارك هوه جي فورس
( Geforce )
استخدامك للبرامج الهندسية والمونتاج ومعالجة القيديو يبقى كوادرو
( Quadro ) علي طول من
غير كلام كتير.
اما اذا كنت بتعمل مركز ابحاث او سيرفر – خادم – معالجة بيانات مثلا ف بلاش تضيع وقت
واختار تيسلا ( Tesla ) ع شان الوقت عامل مهم جدا
اتنمى اكون اضفت ليك معلومه جديدة المره دي.
