Westren Digital Colors for Laptop

Western Digital logo

لازم تعرف فرق الوان الهاردات ال Westren Digital ويسترن  ديجيتال بتاعت اللاب توب

ويسترن ديجيتال دي من اشهر الشركات المنتجة للهاردات ومنتجات تانيه كتير لها علاقة بتخزين البيانات

اللون الازرق

الموديل منتشر جدا من بين كل الالوان لانه مناسب لجميع الاستخدامات وسعره في متناول الجميع

موجود في السوق من اول ٨٠ جيحا الي ١ تيرا من سعة التخزين اما سرعة ال ار بي ام (RPM) فهي ٥٤٠٠ وذاكرة الكاش ٨ ميجا، استهلاك الطاقة قليل جدا ودا اللي بيخليه اختيار مناسب للاجهزة المحمولة زي الاب توب.

BLUE
BLACK

اللون الاسود

الموديل دا طبعا معروف بالاداء العالي والسرعة،بس استهلاكه للطاقة كبير نسبيا، متوفر من اول ٢٥٠ جيجا الى ١ تيرا من التخزين اما سرعة ال ار بي ام ٧٢٠٠ بس، الاختلاف هنا في سعة ذاكرة الكاش فهي ٦٤،٣٢ ميجا.

اللون الاحمر

الموديل دا متخصص شويه عن الالوان اللي فاتت ع شان الموديل ده معمول ومخصص ع يشتغل في سيرفرات – خوادم – التخزين الشبكي اللي اسمها ناس  او سان  ولان دي مهمته الرئيسية فهوه بيقدر يشتغل بشكل متواصل بلا انقطاع واستهلاكه بسيط جدا من الطاقة وضمانه

من الشركه المصنعه بيبقى ٣ سنين،وطبعا موجود في السوق من اول ٢ تيرا الى ٦ تيرا من سعة التخزين، اما سرعة ال ار بي ام ٥٤٠٠ بس، الاختلاف هنا في سعة ذاكرة الكاش فهي ٢٥٦ ميجا.

RED

طيب ع شان متتلخبطش، دي الزتونة :

مستخدم عادي يبقى اللون الازرق تصفح انترنت، تشغيل افلام وموسيقى، اعمال مكتبية 

لو بتلعب بالعاب تقيله، بتعمل مونتاج ومكساج صوت والشغل بتاع صناع المحتوى يبقى اللون الاسود مناسب جدا لحضرتك.

بتعمل سيرفر تخزين منزلي اللون الاحمر

انا شرحت لك الموضوع ببساطه شديده جدا ومرضتش ادخلك في مصطلحات تقنية ومواضيع هطول شرحها.

ع شان محدش يرجع يقولي اني مجبتش سيرة كذا وكذا

 

اترك تعليقاً

القائمة الرئيسية