في البداية
Dell Precision
وحش ديل ،الفرس الكسبان في كل السباقات
بريسيجن من ديل الغني عن التعريف
جهاز شيك، خفيف الوزن، مخبي جواه وحش كاسر يعتمد عليه
استعراض المواصفات
الشكل الخارجي
من اول نظرة هيخطف عينك اللون الفضي الشيك اوي علي جهاز نحيف جدا لان جسم الجهاز من معدن الإلومينيوم لضمان الوزن المثالي والمتانة ،كي بورد بتنور مريحه جدا في الشغل، شاشة الجهاز ١٥.٦ انش من نوع OLED 4K لضمان وضوح اعلى وسطوع ألوان اجمل واحلى
الابعاد والوزن
مش هتصدق لما اقولك ان الجهاز دا وزنه بس 1.78 كجم متوزعه على الحجم بالابعاد :
عرض : 357 مم
عمق : 235 مم
ارتفاع: الواجهة 11.48مم و من الخلف 16.82مم.
قلب الجهاز النابض
يا ترى ايه سبب تفوقه غير المكونات الداخليه القوية جدا لضمان الاعتماديه الكامله في مختلف الاعمال زي المونتاج والتعديل علي الصور مثلا!
البروسيسور
الجهاز دا ديل بتوفره بتشكيلة بروسيسورات(معالجات) كتير زي:
انتل كور اي ٩ من الجيل التاسع، ٨ انويه، ١٦ ميجا كاش
انتل زيون E-2276M ، ٦ انويه، ١٢ ميجا كاش
انتل كور اي ٧ من الجيل التاسع، ٦ انويه، ١٢ ميجا كاش
انتل كور اي ٥ من الجيل التاسع، ٤ انويه، ٨ ميجا كاش
الرام (الذاكره العشوائية)
الجهاز دا جواه ٣٢ جيجا رام من نوع DDR4 وممكن توصل لحد ٦٤ جيجا كمان يعني مش هتواجه اي مشاكل او تآخير في الاداء مع الضغط العالي علي الجهاز وهوه شغال على برامج تقيله.
كارت الشاشة
من اهم اسباب قوة الجهاز ده كارتين شاشة
واحد من نوع انتل UHD 630 ع شان الاستخدامات العادية لتوفير الطاقه، والتاني (ان فيديا كوادرو)T1000 او T2000 والاتنين ٤ جيجا
من نوع GDDR5، بإختصال زي ما قلت لك قبل كده معندكش مشكلة
مع اي برامج تقيلة
وسائط التخزين
اكيد سرعات المعالجة العالية دي محتاجه وسيط تخزين سريع جدا؟
ودي الحقيقة فعلا لان من اسباب سرعة الجهاز ده امتلاكه لواحد من اسرع انواع الهاردات (512GB M.2 NVMe PCIe SSD) مع اختيارات متعددة للسعات اللي بتوصل لحد 2TB M.2 NVMe PCIe SSD
علي حسب استخدامك.
المنافذ
وسائل اتصال كتيرة معناها انك تقدر تتابع اعمالك في اي مكان وبالطريقة إللي تريحك يعنى إية الكلام ده ؟
يعنى تقدر تنقل بسرعة بتوصل ل ٥ جيجا بت عن طريق فتحتين USB 3.1 Gen 1
و ٤٠ جيجا بت عن طريق USB 3.1 Gen 2 Type-C
واكيد تقدر توصل شاشة خارجيه 4K عن طريق HDMI 2.0
ولو انت بتستخدم كروت ذاكرة خارجية عندك قارئ متعدد
في الجهاز مهما كان نوع كارت الذاكرة اللي بتستخدمه
وكمان فتحة صوت وميكروفون مدمجه
اما كارت الواي فاي فهو قوى لدرجة انه بيدعم WiFi6
وبلوتوث الاصدار الخامس الموفر جدا للطاقة
مش قلت لك متشغلش بالك ابدا لان الجهاز هيريحك في شغلك
مهما كان نوع شغلك.
التجربة والعمل
مفهوم بريسيجن من ديل بإختصار شديد جدا جهاز بيشتغل تحت اي ظروف، جهاز يعتمد عليه في الاعمال الكبيرة الشاقه إللي محتاجه هاردوير قوى
الجهاز ده لمين ؟
الجهاز ده لاصحاب الاعمال الصعبه زي المونتاج والتعديل علي ملفات الصوت الكبيره والتعديل علي الصور او التصميم بشكل عام زي مين ؟ مصممين الجرافيك، موشن جرافيكس، CAD ،
المونتاج بشكل عام تصحيح الوان, دمج وتقطيع مثلا
الخلاصة بعد التجربه
قلت وهفضل اقولك دا وحش حقيقي في الشغل محطة عمل لها قدرات خاصه في التعامل من الاعمال اليوميه العاديه والغير عاديه لتوفير الوقت والمجهود
روابط لمعومات اكتر
لمعلومات اكتر عن وحش ديل دا بالعربي او انجليزي
كمان دي مراجعة الوحش من موقع
المواصفات المتوفرة والسعر من هنا
